Wo Khudaa..Meri zaat k andar mla muje..

Gardish k baad zaat ka mehvar mila mujhy ..
Jis se nikal gaya tha wohi ghar mila mujhy ..

Zarray k aik juz se khula raaz-e-kayenaat,
Qatray ki wussaton mein samundar mila mujhy ..

Kitni ajeeb baat hai jo chahta tha mein,
Qismat se us tarha ka muqaddar mila mujhy ..

Main tha k kaifiyaat k pardon mein qaid tha,
Wo tha k her lihaz se khul kar mila mujhy ..

Dunia ki wussaton mein Usey dhoondta raha,
Lekin wo KHUDA meri zaat k andar mila mujhy ..!!!